LAOAG CITY – Inadaptar ti United Nations General Assembly ti Palestinian-draft a non-binding resolution a mangikalikagum ti Israel a mangpatingga iti saan naimparbengan a presensia da iti “Occupied Palestinian Territory” iti las-ud ti 12 a bulan.
Adda 124 a butos a pabor ken 14 a kontra, agraman ti Israel, ken ti 43 ket abstentions.
Ti resolusion ket naibasar iti advisory opinion idi bulan ti Hulio manipud iti korte ti United Nations a nangipakaamu a sakupen ti Israel ti West Bank, East Jerusalem ken Gaza Strip a maikontra iti internasional a linteg.
Inawagan ti embahador ti Palestina ti botos a panagbalbaliw iti pannakidangadang da para iti waya-waya ken hustisia, ngem iti biang ti Israel maysa daytoy a “diplomatic terrorism”.
Nupay ti maputar a resolusion ti General Assembly, addaan dagitoy iti pakasaritaan ken napolitikaan a pakaseknan gapu ta naiayalen-aleng dagiti takder ti dagiti bakurang 200 a miembro ti estado ti United Nations.
Daytoy ket kalpasan ti dandani makatawenen a gubat idiay Gaza, a nangrugi idi rinaut dagiti militante a grupo ti Hamas ti Israel idi Oktubre 7, a nakatayan ti agarup a 1,200 a tattao ken daddauma pay nga hostages.
