LAOAG CITY – Insardeng ti International Maritime Organization (IMO) ti United Nation ti plano a pannakaibakwit ti nasurok a 11,000 a marino a naipit iti Strait of Hormuz kalpasan a naraut ti maysa a cargo ship a lumabas koma laeng iti lugar.
Inbatad ni International Maritime Organization chief Arsenio Dominguez a sumagmamano a bangka ti naibakwit, ngem kalikagom ti ahensya a siguraduen nga agtultuloy ti pannakaipatungpal dagiti kasapulan a “safety guarantees”.
Mainaig iti daytoy, inrakurak ti British maritime security agency nga UKMTO a ti maysa a barko ti natamaan maysa a saan a mbabigbig a projectile, adda iti 7.5 nautical miles ti kaadayo na manipod iti abagatan a daya ti puerto ti Dahit ti Oman.
Inpakaammo met ti akinbagi iti barko a limitado ti nadadael ken natalgeden a nakalasat iti strait.
