LAOAG CITY – Agamak ti United Nations (UN) a dumanon iti punto nga agkurang ti makan iti northern Gaza kalpasan nga inrikep ti Israel ti crossing.
Daytoy ket kalpasan a rinugyanen ti Israel ti nabayagen nga ibagbaga na a ground assaults iti Gaza City ken agar-aramid da ti addang tapno agbalin a bakante ti ciudad babaen iti panangilukat da ti nayun a ruta nga agturong iti agbagatan a paset ti lugar.
Sumagmamano a ribo a tattao ti naglemmeng iti ciudad ken saan da a kayat a sumurot iti pammilin ti Israel a pumanaw gapo iti panagta ti biag no adda ti panagatake kadagiti dalyasatan da.
Segun met iti UN humanitarian office (OCHA), iti sumarsaruno nga aldaw ket sigurado a maibus amin a makan gapo iti pannakairikep dagiti ruta. Kontrolado ti Israel dagiti amin a pagserkan ken pagruwaran iti Gaza.
