LAOAG CITY – Ibilang ti United Nations (UN) ti Gaza kas maysa a “killing fields.”
Inbatad ni United Nations Secretary-General Antonio Guterres, babbalawenda ti Israel gapu iti pananglappedda dagiti tulong ken napaayda a masupusupan dagiti kasapulan ti residente ti Gaza.
Naammoan a sumurok maysa a bulan a saan a pinalubusan ti Israel Defense Forces dagiti truck ti United Nations nga adda ti kargana nga agas ken taraon.
Nailanad iti Geneva Conventions nga obligasion dagiti adda iti lugar a siguradoen nga adda ti umdas a taraon ken agas dagiti lugar a sakupenda.
Maipalagip a nangiwayat ti sumagmamano nga airstrikes ti Israel iti Gaza tapno naan-anay a waya-wayaan ti Hamas dagiti amin nga hostage dagitoy.
