LAOAG CITY – Inpakaammu ti United Nations a masapul ti temporario a pannakasuspenso ti humanitarian aid iti Gaza Strip gapu iti nairuar nga evacuation order iti sentro Palestinian territory.
Imbatad ti maysa a nangato nga opisial ti United Nations a saan a makapag-operate dagiti humanitarian staff-da idi Lunes gapu kadagiti safety concerns.
Ti evacuation order ket sakupen na dagiti humanitarian zone iti paset ti Israel iti uneg ken aglawlaw ti Deir al-Balah, nga isu ti sentro ti operasion ti United Nations.
Nupay kasta, impaganetget ti opisial a saan a pumanaw dagiti ahensia ti United Nation iti Gaza ken ikagkagumaanda ti agsapul iti lugar a makapag-operar da a natalged.
Kinuna met ti militar ti Israel nga agipaulogda kadagiti evacuation orders tapno masalakniban dagiti sibilyan kabayatan ti agtultuloy a tension iti Hamas ken dadduma pay nga armado a grupo.
Iti agdama, umaboten iti 88.5% idiay Gaza ti naipasidong kadagiti evacuation orders manipud idi nangrugi ti gubat iti nagbaetan ti Israel ken Hamas, segun iti United Nations.
