LAOAG CITY – Madanagan manen ti United Nations ti agtultuloy a panagadu dagiti mapukpukawan ti pagtaengan gapu iti agtultuloy a rinnupak idiay Gaza.
Inbatad ni Stephane Dujarric, pannakangiwat ni United Nations Secretary-General Antonio Guterres a dumanon iti agarup 200 a ribu nga indibidual ti napukawanen ti pagtaengan.
Sakupen daytoy ti agarup amin a paset ti Gaza gapu iti awan sarday a panangraut ti Israel.
Adda laeng lima a truck-da nga addaan dagiti taraon ken agas ti nakastrek iti Gaza.
Ti dadduma nga 60 a trucks ket masapul nga agsubli iti crossing gapu iti nakaro a riribuk.
Kabayatanna, saanda met a nalappedan ti looters no sadinno a tinakaw dagiti sumagmamano a residente ti Gaza dagiti taraon ken agas para kadagiti masaksakit.
