LAOAG CITY – Inrakurak ni United States Secretary of State Marco Rubio nga insigida a kinanselar ti Estados Unidos ti visas a naiyisyu kadagiti amin a South Sudanese passport holders gapu ta nagkedked ti Africa nga akseptaren dagiti kailianda a timmalaw manipud idiay Estados Unidos.
Inbatadna a naiget a pawilanda a makastrek idiay Estados Unidos dagiti amin a sumangpet manipud idiay South Sudan.
Binabalawna ti pannakapaay ti transitional government ti South Sudan tapno akseptaren ti panagsubli dagiti kailianda iti naikeddeng nga iskedyul.
Kunana a gagem ni United States President Donald Trump nga ikkaten dagiti unlawful migrants kas ti inkarina a mangipatungpal ti mass deportations.
Kabayatanna, dakkel ti posibilidadna a maminsan manen nga adda ti mapasamak a civil war idiay South Sudan.
