LAOAG CITY – Ibilang ni United States President Joe Biden ti desisyonna a panagsanud iti 2024 US Presidential Election nga umno laeng.
Daytoy ti inrakurak ni Biden kagiddan ti panang-endorsar na ken ni US Vice-President Kamala Harris para presidente.
Ginutigut na dagiti residente ti Estados Unidos a suportaran ni Harris gapu ta patien na nga isuna ti rumbeng a mangidaulo.
Kunana a napintas dagiti adbokasia ni Harris nga isu ti masapul a maipangruna ita iti pagilianda.
Inadmitir pay ti Presidente a gapu iti pressure ket patienna a napinpintas nga agsanud isunan.
Maipalagip a nagsanud ni Biden gapu iti panawagan ti kaadoan a kapartidoan na ken dagiti isyu seknan iti salun-at na, nangruna ti panagpositibo na iti Covid-19.
Kabayatanna, inpanamnama metten ti Democrats ti naan-anay a suporta da ken ni Harris ken mamati da a maabak na ni dati a United States Pres. Donal Trump iti 2024 US Presidential Elections.
