LAOAG CITY – Inbatad ni United States President Joe Biden a ti pannakapapatay ti lider ti Hamas a ni Ismail Haniyeh ket saan a makatulong iti saritaan maipapan iti ceasefire idiay Gaza.
Napapatay ni Haniyeh bayat ti panagbisitana iti Iran’s capital, Tehran, idi napan nga aldaw.
Pinabasol ti Iran ken dagiti kaalyadona ti Israel, nupay saan pay a nagkomento ti Israel maipapan iti ipapatayna.
Ni Haniyeh ti kangatuan nga opisial ti Hamas ken nairaman iti ceasefire ken hostage release talks manipud iti base-na idiay Qatar.
Kinuna ni US Pres. Biden a masapol a mapagsasaritaan ti kumarkaro a tension iti Middle East.
Maipalagip a nabiit pay nga inrugi ti Israel ken Hamas ti tentatibo a saritaan seknan ti ceasefire idiay Gaza, nupay adda agduduma dagiti statement dagiti maseknan.
Kabayatanna, nangipaulog met ti Israel kadagiti baro a kondision, bayat a kinuna ti opisina ni Prime Minister Netanyahu a kiniddaw ti Hamas ti panagbalbaliw ti singasing.
