LAOAG CITY – Balligi a naiwayat ti unity walk ken peace covenant signing iti Laoag City Auditorium.
Daytoy ti inpakaammo ni Atty. Julius Balbas, ti Commission on Election officer ditoy ciudad ti Laoag.
Inbatad na nga adon dagiti kandidato a napan nakipaset iti unity walk ken peace covenant signing.
Karaman pay a nakipaset iti aktibidad dagiti supporters dagiti kandidato, Philippine National Police ken religious groups.
Nupay kasta, inpakaammo ni Balbas nga adda latta dagiti kandidato a saan a napan nagatendar.
Namnamaen na a babaen iti nasao nga aktibidad ket mapagtalinaed ti linak, urnos ken talna ditoy ciudad ti Laoag agingga intuno Mayo 12 a kaaldawan ti eleksyon.
