LAOAG CITY – Naisayangkat itay bigat ti unity walk ken peace covenant signing para iti maangay a eleksyon intono Mayo ita a tawen.
Inatendaran dagiti kandidato, kameng ti Philippine National Police, Bureau of Fire Protection, kasta met dagiti opisyal ti Commission on Elections ken DILG ken dadduma pay ti nasao nga aktibidad.
Kalpasan ti unity walk ket adda pay laeng ti naisayangkat a programa no sadinno a napalagipan dagiti kandidato ti petsa iti panagkampanya.
Segun kenni Police Sr Supt. Cesar Pasiwen, PNP-Provincial Director, adda dagiti kandidato a saan a nagaatendar iti peace covenant signing.
Nupay kasta, dagiti saan a nakapagpaset ket mabalin dan to pay laeng ti agpirma.
Ti peace covenant signing ket naiyuswat kageddan ti ummuna nga aldaw ti election period.
