LAOAG CITY – Napintas a panangrugi iti election period ti naiyuswat nga unity walk ken peace covenant signing itay bigat nga inatendaran dagiti kandidato ken maseknan a personalidad.
Daytoy ti inbatad ni Atty. Juluis Balbas, comelec officer ditoy ciudad ti Laoag.
Segun kenni Balbas, mangnamnama da a napintas ti resulta eleksyon intono Mayo uray naggapo ti nagduduma partido dagiti kandidato.
Naamoan a naikkaten dagiti security personnel dagiti nagduduma a kandidato ngem adda dagiti sumagmamano a nagaplikar.
Nupay kasta, kunana a ti agdesisyon iti kiddaw dagiti kandidato a security personnel ket agdependar iti desisyon ti Comelec main office.
Inpalagip na manen a ti panagrugi ti panagkampanya para kadagiti lokal a kandidato ket intono Marso 30, 2019.
Binalakadan na pay dagiti kandidato a saan da nga usaren ti panangrugi ti election period a pangampanya.
