LAOAG CITY – Nagrekep ti kompanya a panagaramidan ti tsokolate, University of Hawaii, ken kadakkelan a klinika gapu iti panagalburuto ti Kilauea Volcano idiay Big Island, Hawaii.
Daytoy ti inpakaammo ni Bombo Correspondent Manny Pascua iti nasao a pagilian.
Naipatungpal ti force evacuation iti nasao a lugar kangrunaan idiay Leilani Estates ken Nanawale Estates.
Kuna na nga Ilokano ti kaaduan dagiti pamilya nga agnanaed idiay Nanawale Estates nga umabot ti nasurok 50 a pamilya.
Innayon ni Pascua nga idiay Leilani Estates ket Bisayano dagiti agnanaed.
Nupay kasta, adayo a maapektaran ti Oahu iti panagalburuto ti nasao a bulkan idiay Big Island, Hawaii.
Awan pay ti naimaldit a nadangan iti nasao nga insidente
