LAOAG CITY – Inpakaammo ni Dr. Shirley Agrupis, University President iti Mariano Marcos State University iti ciudad ti Batac nga adda ti maawawatda nga impormasion nga adda dagiti indibidual a maipagarup nga agus-usar iti naganna tapnu agsolicit ti kuarta kadagiti contractors ken pakairaman dagaiti dadduma pay nga indibidual ken grupo ditoy probinsia.
Segun kenkuana ket maalarma daytoy a maususar ti nagan a mangalillaw ken rumrummuar a ka-timikna ti scammer a tumawtawag kadagiti contractor no sadinno daytoyen ti maika-dua a gundaway a naus-usar ti naganna.
Inbatadna nga awan pay ti dimmanon kenkuana nga impormasion a nangted ti kuarta dagiti contractor iti scammer a mangus-usar ti timekna.
Inlawlawagna gapu iti technology advancements ket mabalin a naarmid wennno natulad ti timekna babaen iti Artificial Intelligience.
Kabayatanna, nagpalagip daytoy kadagiti infrastructure contractor, supplier, services provider ken publiko a saan nga insigidda a manngted ti kuarta kadagiti mapagduduan a banag.
Iti agdaama, kalikagum ni Dr. Agrupis nga imbestigaran ti nasao banag tapnuu malappedan dagiti scammers.
