LAOAG CITY – Kritikal ti maysa a lalaki kalpasan a nakuryente iti ili a San Nicolas.
Nabigbig ti biktima a ni Meynard Julio, agtawen ti 21, estudyante ti University of Northern Philippines, tubo ti Cagayan, on-the-job trainee iti Toyota.
Iti nakalap nga impormasyon ti Bombo Radyo Laoag, manarimaan ti panangiplastar ti biktima ti antenna ti telebisyon tapno agbuya kuma daytoy.
Aksidente a naisagid ti biktima ti antenna iti live wire iti poste rason ti nakakuryentean na.
Iti agdama, nagtlinaed ti biktima iti Intensive Care Unit ti Black Nazarene Hospital iti nasao nga ili gapu ta pimmutok ti akin kannawan nga ima na agingga iti saka na.
