LAOAG CITY – Kinumpirmaran ni PCapt. Eddie Suyat, ti chief of police iti PNP Paoay a napilaanen ti kaso dagiti dua a karaman iti napasamak a pammaltog iti Brgy. Laoa iti nasao nga ili.
Segun ken ni Suyat, kaso a murder ken frustrated murder ti naipan kontra kada Marvin Lagundino kenni Pacito Perdido gapu ta addan ti inparuk-at nga statement ti nakalasat a biktima a ni Roque Baclig.
Nu pay kasta, kuna ni Suyat nga awan ti maipila a kaso kontra kadagiti dua babbai karaman nga adda iti lugar idi napasamak ti insidente gapu ta saan da nga inaramat ti pammaltog.
Maipalagip a simrek ti pabo ti kangrunaan a suspek a ni Candelario Lagundino iti solar dagiti biktima.
Gapu iti daytoy, minalmalo dagiti biktima ti pabo nga isu metten ti nangrugyan ti nasao a pammaltog a nakatayan ti ina a ni Ester Baclig.
Mainaig iti daytoy, naamoan nga adda pay ti riri iti nagbaetan suspek ken dagiti biktima seknan iti right of way iti sanikua.
