LAOAG CITY – Pinaluspusanen ti PNP dagiti sangapulo nga agsursursur nga aglaklako ti regulator ti LPG nga addaan ti gas breaker ditoy ciudad ti Laoag.
Daytoy ket kalpasan a nagmulta da gapu iti panagsalungasing da iti City Ordinance.
Naberipikar ti BFP nga adda ti nasao a kumpanya nga aglaklako ti regulator ti LPG idiay probinsya ti Cagayan.
Kinumpirmaran pay ti BFP a dagiti dokomento nga ipakpakita da kas iti DTI, fire clearance ngem awan ti pirma na, ken ti business permit da ket idiay laeng Sta. Praxedes, Cagayan ti mabalin da a paglakwan.
Mainaig iti daytoy, inlawlawag ni Senior Fire Office 1 Mark Anthony Ponce iti BFP ditoy ciudad ti Laoag a ti rason no apay awan perma ti Fire Safety Inspection Certificate dagiti aglaklako ti regulator ti LPG ket posible a nangiproseso da ti Business Permit ngem saan da nga intuloy rason a Fire Clearance laeng ti ig-iggaman da.
Kunana a posible nga inaramid da laeng ti nasao a dokumento.
Maipalagip nga ada ti nangipadanun iti BFP nga adda ti aglaklako ti nadakamat a banag iti gatad a 11 a ribo a pisos ken maipagarop nga ususaren da ti nagan ti BFP tapnu makalako da.
Iti agdama, agtultuloy iti pannakakumpirmar no dagiti nasao a dokumento nga ig-iggaman dagiti maseknan ket legal wenno saan.
