LAOAG CITY – Inbatad ni Mayor Michael Marcos-Keon ditoy ciudad ti Laoag a saanen a makuti pay ti 17-milyon a pisos a naiyalokar para iti pannakaipangato ti sweldo dagiti empleado ti gobierno ditoy ciudad.
Immunan nga inbaga ti mayor a nayunan da ti 3-milyon a pisos ti 17-milyon a pisos tapno agbalin a 20-milyon a pisos ken daytoy ti maibunong kadagiti 20 ribo nga household a kangrunaan nga apektado ti pannakaipatungpal ti Enhanced Community Quarantine gapu iti covid-19.
Nupay kasta, kuna ti Mayor a saanen a mausar pay ti 17-milyon a pisos gapu ta ti 20-milyon a pisos ket alaen da lattan iti Calamity fund.
Inlawlawag ni Keon a ti calamity fund ditoy ciudad ket milyon a pisos isut gapuna nga addan to pay ti 19 milyon a pisos a mabati.
Kabayatanna, inpakaammo ni Mayor Keon a ti iprayoridad da nga ikkan ti food pack ken sangaribo a pisos ket dagiti indigent ken displace workers a pakairamanan dagiti tricyle drivers, construction workers, ken dadduma pay.
Innayon na nga umuna nga ibunong da ti 40 a food packs iti kada barangay.
Inkalintegan ti mayor a saan da a mapaggigiddan amin nga ikkan ti tulong dagiti indigents ditoy ciudad isut gapuna nga immapela ti naan-anay a pannaki-kooperar dagiti maseknan.
Inkari na a no addan to manen ti maukkon da a tulong ket maikkan to metten dagiti dadduma.
