LAOAG CITY – Pimmusay ti 241 manipud iti 242 a nakalugan iti nagswek nga Air India plane, sumagmamano a gundaway kalpasan a nagtake-off iti Ahmedabad iti western India ken agturong koma iti London Gatwick.
Basar iti Air India, karaman kadagiti nakalugan ket ti 169 nga Indian nationals, 53 a Briton, maysa a Canadian national ken pito a Portuguese nationals.
Naamoan a ti kakaisuna a survivor ket maysa a Briton a nabigbig a ni Vishwashkumar Ramesh nga iti agdama ket agtultuloy a maag-agasan iti ospital.
Maysa met kadagiti nakumpirmaran a pimmusay ket ni dati a Gujarat chief minister Vijay Rupani,
Inbatad ti Tracking website Flightradar24 a naawat da ti naudi a signal manipod iti aircraft ken 625 a kadapan ti kangato na, sumagmamano a segundo kalpasan a nagtake-off.
Naamoan a nagdisso ti eroplano iti residential area iti asideg iti erupuerto partikular iti pagnanaedan dagiti doktor no sadinno a 50 a medical students ti nasugatan ken manarimaan a maag-agasan iti ospital.
Iti agdama, agtultuloy ti imbestigasyon dagiti otoridad mainaig iti nasao nga insidente.
Kabayatanna, indanun dagiti naruay a world leaders ti pannakipagladingit da iti napasamak a trahedya.
