LAOAG CITY – Umabot iti 40 a tattao ti natay iti pannakauram ti bar iti ski resort idiay Switzerland.
Malaksid kadagiti natay, umabot met iti 140 a sabsabali pay dagiti nasugatan iti insidente.
Basar kadagiti otoridad, ti bar iti nasao a resort ket nalatak a pagturturongan dagiti agtutubo tapno agbuya ti football matches.
Naamoan nga umabot iti 10 nga helicopters, 40 nga ambulansya ken 150 a responders ti naipatulod iti lugar tapno agtitinnulong kalpasan iti insidente.
Agpapan ita ket saan pay a masinunuo no ania ti nationality dagiti biktima iti napasamak nga uram ken no ania ti namonganayan iti insidente.
Mainaig iti daytoy, ibilang ni Swiss President Guy Parmelin a ti napasamak nga uram ket maysa kadagiti kagrabean a trahedya a napasamak iti pagilian da.
Indanun met da King Charles ken ti asawa na a ni Queen Camilla ti nakaro a ladingit da iti napasamak aglalo ket naruay a biag ti napukaw.
