LAOAG CITY – Umabot ti 45 a ribo a pisos ti balor dagiti nauram a ramramit iti kubo-kubo a kukua ni Barangay Kagawad Rodel Gudoy iti Barangay 49-A, Darayday ditoy ciudad ti Laoag.
Daytoy ti inbatad ni Fire Officer 3 Jommel Raval iti Bureau of Fire Protection (BFP) ditoy ciudad.
Karaman kadagiti nauram ket dagiti amplifier, telebisyon, speaker, electric fan, sinako nga hybrid nga irik ken mais ken ti motorsiklo.
Kinumpirmaran ni Raval a ti namunganayan ti uram ket gapo iti short circuit.
