LAOAG CITY – Nakasubli aminen dagiti walo a menor de edad a naglibas iti Bahay-Pagasa ditoy ciudad ti Laoag sakbay ti pannakasarabo ti baro a tawen.
Daytoy ti kinumpirmaran a mismo ni Retired Major Ernesto Sadian, ti mangidadaulo iti Civil Security Unit (CSU) ditoy ciudad.
Inbatad ni Sadian nga idi laeng rabii ket napan insubli a mismo dagiti nagannak na ti maikawalo nga ubing a naglibas iti Bahay-Pagasa.
Innayon ni Sadian a saanen a nagpalawag pay dagiti nagannak ti nasao a menor de edad no apay nga idi rabii laeng a napan da insuko.
