LAOAG CITY – Addan ti person of interest ti pannakapaltog-paltog ti balay ti dati a barangay kagawad a ni Fred Eda iti Brgy. Libtong iti ili ti Bacarra.
Daytoy iti inbatad ni Police Major Ryan Retutar, ti hepe ti PNP Bacarra.
Segun kenni Retutar, addan iti maysa a person of interest da seknan iti pasamak, ken manarimaan pay laeng ti panagimbestigar da nu anya iti motibo iti atapen da a suspek.
Narekobre ti SOCO ken PNP-Bacarra iti 4 a kapsula iti kalibre 45 a paltog ken 1 a kapsula iti 5.56mm a paltog iti sirok ti mangga, saan unay nga adayo iti balay ni Eda.
Immunan nga inbatad ti PNP a possible a mistaken identity iti napasamak a pannnakapalto-paltog ti balay na gapu ta ni Mr. Nestor Eda, kabsat ni Fred, ken agpapaay a security guard ni Mayor Nicomedes dela Cruz iti nasao nga ili iti target ti saan pay nabigbig a suspek.
Innayon pay ni Pol. Maj. Retutar a saan a maibilang nga election related iti napasamak gapu ta adda ti parameters nu election related iti pagsasaritaan.
Kabayatana, kiniddaw ti PNP a dumalan dagiti maseknan iti paraffin examination dagiti agkabsat a da Fred Eda ken Nestor Eda.
