LAOAG CITY – Kinumpirmaran ni Pol. Maj Sheryll Guzman, ti chief of police ti PNP-Paoay nga addan iti person of interest iti pannakatagtagbat a puon ti nakatayan ti maysa a mannalon iti Barangay Sta. Rita.
Segun kenni Guzman, saan da pay a mabalin nga ibuksilan ti detalye seknan iti katatao ti person of interest tapno saan a maapektaran ti iyus-uswat da nga imbestigasyon.
Inbatad na a manarimaan pay laeng ti naun-uneg nga imbestigasyon ken agbirbirok da pay ti nayon a witness a posible a nakakita iti napasamak.
Maipalagip nga idi kalman ket nakita ti bangkay ti mannalon a ni Marlon Cochapin iti kamaisan iti nasao a barangay no sadinno ket nagsagaba ti ado a sugat iti nagduduma a paset ti bagi na.
Naamoan a nagpakada ti biktima a mapan na kitaen ti mula na a mais a pinadanoman na ken rumrumuar nga iti kallabes ket adda ti maipagarop a nakariri daytoy gapo iti pannangan dagiti taraken a dingwen iti mula na a mais.
Ummunan a naireport nga idi nakita ti biktima iti kamaisan ket addan ti uppat agingga iti innem nga orasen a natayen basar iti Rural Health Unit (RHU) iti nasao nga ili.
