LAOAG CITY – Saan a residente iti ili ti Pagudpud dagiti agama a nakabisikleta manipod Manila a tinulungan ti PNP idiay Bacnotan, La Union.
Daytoy ti inbatad ni Mr. Hendrick Pedronan, ti mangidadaulo iti Municipal Disaster Risk Reduction and Management Office (MDRRMO) iti ili ti Pagudpud.
Nabigbig dagiti agama nga isuda Mr. Juny Fortez ken ti anak na a ni Josephine nga agtawen ti 14.
Inbaga ni Pedronan a ti ibagbaga dagiti agama a kapamilya da iti ili ti Pagudpud ket saan nga agnanaed iti lugar di ket taga Ifugao.
Naamoan daytoy ni Pedronan kalpasan a tinawagan na ti maseknan.
Innayon na nga uray ti ibagbaga ti ama a Fortez a kabsat na iti ili ti Pagudpud ket saan a residente iti lugar.
