LAOAG CITY – Dagus a nagpiyansa da dati a Mayor Oscar Aguinaldo ken ti asawa na a ni dati a Mayor Victoria Andrea Aguinaldo iti ili ti Pasuquin.
Daytoy ti inbatad ni Chief of Police Fritz Tabula iti nasao nga ili.
KUna ni Tabula a nagpiansa dagiti agasawa ti P30,000 iti tunggal maysa iti kaso nga Anti graft and Corrupt Practices Act ken P10,000 iti tunggal maysa ti kaso a Code of Ethics and Ethical Standards.
Segun kenni Tabula, dimmalan dagiti agasawa iti amin a proseso kas iti finger prints, mugshot ken dadduma pay.
Naammoan a dagiti agasawa a dati a Mayor ket nagpiyansa da iti RTC Branch 13 iti ciudad ti Laoag iti sala ni Judge Philip Salvador.
Immuna iti daytoy, natiliw dagiti agasawa babaen ti bileg ti warrant of arrest nga inparuk-at ti Sandigan Bayan.
