LAOAG CITY – Agpada a pimmusay dagiti agasawa kalpasan a nakadinnungpar ti nagluganan da a kurung-kurong ti maysa a dumptruck idiay Barangay Pancian, Pagudpud, Ilocos Norte.
Nabigbig dagiti biktima a da Julieta Malabo ken ti asawa na a ni Esteban Malabo, agtawen iti 58, residente dagitoy iti Barangay Pancian, idinto a ti driver ti dump truck ket ni Clarence Taguba, 47, naasawaan, negosyante ken residente iti Barangay Pasaleng ti nasao nga ili.
Segun ken ni Police Lt. Joel Corales, ti deputy chief of police iti ili ti Pagudpud, bayat ti panag-papaamyanan a direksyon dagiti agasawa ket maipagarop a nag-overshoot ti kurong-kurong iti linya na a nangitunda ti insidente.
Inbatad na a ni Mr. Malabo ket pukol ti maysa a pungwa-pungwan na isut gapuna a ti asawa na ti mangiturturong ti maysa a manibela.
Inpakaammo ni Corales a boluntaryo met a simmuko ni Tagupa kalpasan ti napasamak nga insidente.
Innayon na a makaammon ti pamilya dagiti biktima no ipursige da ti mangipila ti reklamo kontra ken ni Tagupa.
