LAOAG CITY – Inpetteng ti akinkukua ti van a nasita iti border control a saan a van for rent daytoy.
Segun kenni Ms. Mei Ligsay, ti akinkukua iti van, kabagyan da dagiti nailugan a napan Manila ken dagitoy ket naitulnog da iti NAIA.
Inlawlawag na a ti rason nu apay nga adda ti nakalugan iti van a nagsubli ditoy probinsya ket gapu ta nakipakpakaasi ti kabagyan da nga isu lattan ti pagluganan na gapo.
Inbatad na a kumpleto amin dagiti papel wennu dokomentos ti nadakamat nga LSI.
Kuna na nga awan ti gandat na nga aglibas gapu ta ammo na ti kinaiget ti border ken saan a daytoy ti ummuna a gundaway a mapan agitulnog ti van.
Daytoy ket gapu ta adda ti kabagya nda a nagawid idiay ballasiw taaw a dagitoy ket nalockdown ditoy probinsia gapu ti Covid 19.
