LAOAG CITY – Nagdeklaran ti Ukrainian government ti “air raid alert”, kagiddan ti binallaagda kadagiti residente gapu iti kumarkaro a tensyon iti nagbaetan ti Ukraine ken Russia.
Umabot metten iti pito nga indibidual ti nakumpirmaran a natay gapu iti agtultuloy nga air attacks nga iwaywayat ti Russia.
Daytoy ti inpakaamu ti mangidadaulo ti Ukrainian air force.
Malaksid kadagiti pimmusay ket naruay pay dagiti nasugatan gapu iti pannaktama da kadagiti missile ken drones.
Mainaig iti daytoy, nangrugi ti barrage of missile ken drone attacks iti intero a pagilian ti Ukraine idi laeng rabii.
Segun ken ni Mykola Oleshchuk, ti komander ti air force ti Ukraine, nangipatayab ti Russia iti 127 a missile ken 109 nga attack drone.
Kabayatanna, inawagan ni Oleshchuk ti nagtipon nga air strike kas kakaruan nga aerial attack iti pakasaritaan ti Ukraine.
