LAOAG CITY – Naipakustodyar iti National Bureau of Investigation (NBI) ni Richard Ancheta a nangpaltog a poon ti nakatayan ti anak na a ni Chris John Ancheta iti Barangay 44, Zamboanga ditoy ciudad ti Laoag.
Segun ken ni Supervising Agent Hilario Manding, kinuyug ti abogado na ti ama nga Ancheta a nagturong iti opisina da.
Inbatad na a nagdesisyon da nga agpakustodyar pay laeng ti suspek iti NBI gapu ta adda dagiti mangkaskasarita kenkuana nga agpampammarang a personnel ti nasao nga ahensya.
Kuna ni Manding nga agtalinaed ti ama nga Ancheta iti kustodyar ti NBI agingga a rumuar ti warrant of arrest na.
Maipalagip a pinaltu-paltugan ti suspek ti anak na kalpasan a nagriri da maipanggep ti kwarta no sadinno a kalpasan iti nasao a pasamak ket nagtalapwagaw a dagus ti ama nga Ancheta.
