LAOAG CITY – Saan paylaeng a maiyakar iti Bureau of Jail Management and Penology (BJMP) ni Mr. Richard Ancheta, residente iti Barangay Zamboanga ditoy ciudad ti Laoag.
Daytoy ti inbatad ni Agent Hilario Manding, ti mangidadaulo iti National Bureau of Investigation (NBI) ditoy ciudad ti Laoag.
Segun ken ni Manding, nagpila ti abogado ni Ancheta iti mosyon for continued detention ti akusado iti kustodyar ti NBI.
Immunan nga inrakurak ni Manding a kalikagom dan a maiyakar ni Ancheta iti BJMP ngem gapu iti iti mosyon ti abogado na ket agtalinaed pay laeng ti akusado iti kustodyar na.
Maipalagip a ni Ancheta ket sumangsango iti kaso a parricide with the use of loose firearms kalpasan a pinatay na ti anak na a ni Chris John Ancheta babaen iti panangpaltog na iti napan a tawen.
