LAOAG CITY – Patien ni Mr. Joseph Tagala a saan a bullying ti rason no apay a kinettel ti baro na ti biagna.
Daytoy ket kalpasan a nagbekkel ti maysa a Grade 9 student iti mismo uneg ti pagtaenganda iti ili ti San Nicolas.
Segun ken Tagala, awan met ti nadakdakamat ti baro na a problema na seknan iti panagadal na.
Kunana a ti kanayun nga idandanon ti baro na ket ti problema na iti ina na.
Daytoy ket ti maipagarup a saan a napintas a panagsasao ti ina kenkuana.
Inpakaammu na pay a marikna ti baro na nga adayu ti rikna ti ina na kenkuana, rason no apay a kalikagom na ti mapan iti sidong ti ama na.
Kalikagom pay ni Tagala a maiyawid ti bangkay ti anakna gapu ta naimansayag laeng ti anakna iti ruar ti pagtaengan da iti Barangay Baresbes, Dingras.
Gapu iti daytoy, nakiyuman isuna iti Municipal Social Welfare and Development (MSWD) para iti daytoy.
Kabayatanna, kalikagom na pay nga imbestigaran ti napasamak tapno maamuan a talaga ti puon ken gapu no apay a naaramid ti anak na daytoy.
Maipalagip nga immunan nga inpalgak ti ina ti biktima iti publiko a ti nag kurang iti daytoy a pasamak ket ti San Nicolas National High School no sadinno ti rason ket ti maipagarup a bullying iti uneg ti klase.
Nangipaay metten ti statement ti mangidadaulo iti nasao a pagadalan a ni Mr. Florante Riego ken inpetteng na nga respetaren da daytoy a pammati ti ina ti biktima ngem inrakurak na basar iti inwayat da nga imbestigasyon ket awan ti bullying a napasamak ken patien da nga awan ti nagkuranganda ken inaramidda amin tapno protehiran ti nasao nga estudyante.
Immun-una iti daytoy, kiniddaw ni Tagala iti Bombo Radyo Laoag nga agpainterview seknan ti rason ti panagbekkel ti anakna.
