LAOAG CITY – Awan ti napasamak a panagriri ti security guard ken kainuman na a residente iti Brgy. Columbia iti ili ti Vintar idi napasamak ti panagbagkong ken kalpasan ket nagbekkel ti suspek iti nasao a lugar.
Daytoy ti inpakaammo ni PCapt. Manuel Ordonio, hepe ti Philippine National Police iti ili ti Vintar.
Binigbig ni Ordonio ti biktima a ni Constante Ramos y Cirilo Jr., maysa a security guard iti Ilocos Norte College of Arts and Trades ken tubo iti Ilocos Sur idinto a ti suspek ket ni Mark Mendoza y Aceret, agtawen ti 38 ken residente iti nasao a barangay.
Kuna ni Ordonio a basar iti naiyuswat nga imbestigasyon, naginom ti suspek ken biktima pakairamanan ti dua a sabsabali pay.
Inbatad na nga nagpakada ni Ramos ken ni Mendoza tapno agawid gapu ta sumrek iti trabaho ngem dita a simrek ti suspek it ipagtaengan na ken idi rumuar ket nakaiggem ti tabas nga isu ti namindua a daras nga in tagbat na iti ulo ti biktima.
Malaksid iti dayta, inpakaammo ti hepe a napan pay nangala ni Mendoza ti immuko nga isu ti inbagkong na iti namin lima a daras iti nagduduma a paset ti bagi ni Ramos.
Gapu iti daytoy, dead on the spot ni Ramos idinto a dagus naglibas ti suspek.
Inbatad ni Ordonio a gapu iti daytoy, naiyuswat ti hot pursuit operation iti suspek ken nasapulan iti kabantayan ti
Brgy.Cabisuculan ngem awanen ti biag na idi madanunan da.
Immuna iti daytoy, dinakamat ni Ordonio a mapan kuma agsingir ti utang ti biktima ngem naawid a makiinom agingga a napasamak ti insidente.
