LAOAG CITY – Inpakammo ni Police Col. Julius Suriben, ti Provincial Director ti Ilocos Norte Police Provincial Office (INPPO) a ti suspek iti pammaltog iti Barangay Subec, Pagudpud ket natiliw iti Barangay Uguis iti ili ti Nueva Era.
Daytoy ket babaen ti nagtipon a pwersa ti INPPO, PNP-Pagudpud, CIDG, HPG, Crime Laboratory Forensic group, barangay officials ken PNP-Nueva Era.
Segun kenni Suriben, ti rumrumuar a motibo iti pammaltog ket pakaseknan iti ayat, no sadinno maipagarop nga adda ti pakainaigan ti biktima a ni Lea Baloloy iti saan a panagkinnaawatan ti suspek ken ti asawa na.
Kunana a daytoy ti rason no apay a naaramid ti suspek ti nangpalto-paltog iti biktima ken aksidente a nairaman laeng ti agtawen ti innem nga ubing a lalaki.
Kinumpirmaran pay ni Suriben a positibo iti paraffin test ti nadakamat a suspek.
Inbatad pay ni Suriben a narekobre da ti motorsiklo a nausar ngem ti paltog a nausar ket isu ti manarimaan a birbiroken da.
Rumrumuar a kalpasan ti pammaltog ken naglibas dagiti suspek ken naamoan da nga adda ti naestablisar a checkpoint rason a maipagarop nga inbelleng da ti paltog.
Inpalgak ni Suriben nga agtultuloy met ti imbestigasyon da kadua ti suspek.
Mainaig iti daytoy, iti insiyal a background iti suspek ket rumrumuar a nasingpet a tao ken awan ti rekord na a madi iti PNP.
Maipalagip a bayat a magmagna ti biktima ken ti kaanakan na a menor de edad iti igid ti kalsada ken agturong da iti tianggi idi kellaat a pinalto-paltogan dagiti riding in tandem suspects a naglugan iti nangisit nga honda TMX ken nakasuot dagitoy ti helmet.
