LAOAG CITY – Ginundawayan ni Shiela Orata Diaz, agtawen ti 36, residente iti Barangay 23 ditoy cudad ti Laoag ti preliminary investigation para iti kaso na nga Usurpation of Authority ken Estafa.
Daytoy ket kalpasan a natiliw ni Diaz iti naiyuswat nga entrapment operation babaen kadagiti kameng ti PNP iti Barangay 12 ditoy ciudad gapu iti panagiproseso wenno panagaramid na ti peke a driver’s license.
Kalikagom ni Diaz a maimbestigar a naimbag ti reklamo kontra kenkuana.
Naamoan a nanayunan pay dagiti agrekreklamo kontra ken ni Diaz gapu ta rumrumuar a malaksid iti panagar aramid na ti peke a driver’s license ket maipagarop nga agar-aramid pay kadagiti pasaporte babaen iti online.
Inbatad ti PNP nga apaman a maukkon da amin dagiti reklamo kontra kenni Diaz ket mabalin a mapilaan to pay ti sabali a kaso.
Iti agdama, nagtalinaed ni Diaz iti kustodyar ti PNP ditoy ciudad ti Laoag.
