LAOAG CITY – Nakaawiden iti balay da ti balasitang a nakuryente balay da iti Barangay 3 ditoy ciudad ti Laoag.
Inbatad ni Mrs. Rosemarie Cabi, ti ina ti biktima, inbaga ti doctor a nagasat ti anak na gapu ta iti ramay ti nagbettakan ti pannakakuryente na saan nga iti puso na.
Inpasingked ni Cabi a sakbay a nagawid da ket naeksamen a naimbag ti anak na ket awan met ti nakita a problema iti salun-at na kalpasan ti pannakakuryente na.
Kabayatanna, inistorya ti biktima a gapu ta rabii ket inpagarop na a ti iniggaman na a waya ti kuryente ket isu ti pagsalapayan da.
Innayon na a napan iti galba da tapno mapan na alaen ti tsinelas.
Inbaga na pay a sakbay a napukaw na ti poot na ket napukkawan na pay laeng ti ama na.
