LAOAG CITY – Narekobren ti bangkay ni British tech entrepreneur Mike Lynch manipod iti naarinebneb a yate iti Sicily.
Iti agdama, ti laengen birbiruken dagiti otoridad ket ti mapukpukaw nga anak a babai ni Lynch a ni Hannah, agtawen ti 18.
Maipalagip a manipod iti 22 a pasahero ken crew a nakalugan iti yate ket 15 kadakuada ti nakalasat, pakairamanan ditoy ti agtawen ti maysa ken ti asawa ni Lynch a ni Angela Bacares.
Karaman kadagiti pimmusay iti pannaka-arinebneb ti yate ket isuda Technology tycoon Mike Lynch ken ti anak na a ni Hannah, kasta pay da Morgan Stanley International bank chairman Jonathan Bloomer ken ti asawa na a ni Judy Bloomer; Clifford Chance lawyer Chris Morvillo ken ti asawa na a ni Neda Morvillo ken ni boat’s chef Recaldo Thomas.
Mainaig iti daytoy, indiskribir dagiti rescuers ti operasyon kas “complex” gapu ta dagiti divers ket limitado laeng iti 12-minute underwater shifts.
