LAOAG CITY – Manamnama a maibyahe idiay Cantilan, Surigao del Sur iti bangkay ni Cesar Rowful Mindana, agtawen ti 44, awanan asawa, laborer, agnanaed iti pagtaengan ti agnagan iti Rowena Angcog iti nasao a barangay.
Daytoy ket kalpasan nga inulod ti maysa a kotse bayat a nakadasay daytoy iti national highway iti Brgy. Baay nasao a ciudad.
Segun kenni P/Staff Sgt. Darwin Quiaoit iti PNP Batac Traffic Division, inbaklay ti driver ti kotse a ni Roger Nartatez y Llanes, agtawen ti 38, ken residente iti Labut Sur, Santa, Ilocos Sur iti pannakaibyahe ti bangkay ni Mindana.
Nangited ni Nartatez iti 100 ribo a pisos a pannakaibyahe ti bangkay ti biktima ken kas tulong na iti napasamak.
Maipalagip a naulod-ulod ni Mindana manipud siudad ti Batac nagpatingga iti ili ti San Nicolas.
