LAOAG CITY – Inpetteng ti agnagan ti Rose, kabsat ti agtagikua ti farm a banbantayan da Ronilda Ulep a saan a nasayaat ti pannakaisango ni Barangay Chairman Andres Guillermo Jr. iti Barangay Camanggaan ditoy ciudad ti Laoag kadakuada.
Immuna iti daytoy, kuna ni Rose nga idi naamoan da iti DILG a saan a naka-leave ti kapitan ket dagus da a napan iti barangay hall.
Segun kenni Rose, tinawagan ti DILG ti kapitan ken inbatad na a mapan da lattan iti barangay hall.
Nupay kasta, idi simmangpet ni Guillermo iti baangay hall ket nagbalin nga arogante, nagbugkaw ken inpetteng na nga adda met ti nai-appoint nga hearing intono Domingo.
Gapo iti daytoy, inbatad ni Rose a nakapungtot met isuna ket sinungbatan na ti nasao a kapitan.
Inbatad na a ti depensa ti kapitan a ti pannakisarita na kadakuada ket isu ti regular a panagsarita na.
