LAOAG CITY – Simmuko idi rabii ti suspek ti indiscriminate firing iti Barangay 2 ditoy ciudad ti Laoag iti pannakasarabo ti baro a tawen 2020.
Nabigbig daytoy a ni Macky Tamayo Martin, agtawen ti 37, naasawaan, Barangay kagawad iti Barangay 2 ditoy ciudad.
Inbatad ni Police Lt. Col. Amador Quiocho, ti chief of police ditoy ciudad ti Laoag, idalan da ti ballistic examination ti paltog ni Martin tapno maamoan no daytoy ti nausar a paltog iti insidente ken natibitbker ti ebidensya da kontra iti suspek.
Inlawlawag ni Quiocho a ti palawag ni Martin, naaramid na ti nagpaputok ti paltog gapu iti sakit ti nakem na iti ipupusay ti ama na a ni dati a Konsehal Roly Martin itay napan a bolan.
Innayon ni Quiocho a possible a nabartek ti suspek gapu ta naipagagangayen a no adda ti pasken kas ti panangsarabo ti baro a tawen ket saan a mapukaw ti arak.
Kabayatanna, kuna ti hepe ti pulisya nga uray agnegatibo ti panangipadalan da ti ballistic missile iti paltog ni Martin ket ipila da latta ti reklamo ken makaammon ton ti piskalya a mangadal iti daytoy.
Immun-una iti daytoy, nagkamang iti PNP ni Alvin Guerrero Agbayani, agtawen ti 44, ken residente iti nasao a lugar kalpasan a nakita na a natamaan ti bala ti saan pay a naamuan a klase ti paltog ti balay na.
