LAOAG CITY – Kinumpirmaran ni Fire Senior Insp. Ronald Castillo, iti BFP San Nicolas a namunganay ti pannakauram ti pagtaengan ti Pamilya Agustin iti Brgy. 19 San Lorenzo iti nasao nga ili iti asideg ti paglutuan.
Kuna na a saan a masigurado ni Mrs. Alma Agustin no nasebseban dagiti pinagtungo na a kayo.
Inbatad ni Castillo a kayo ti diding ti kusina da Agustin.
Mainaig iti daytoy, Inbunannag na a nasurok kumurang a 100 a ribo a pisos ti balur ti nauram a pagtaengan.
Nagpalagip ni Fire Senior Insp. Castillo iti publiko mainaig ti saan a panagbaybay-a kadagiti paglutuan kangrunaan no agusar kadagiti pagtungo a kayo.
Inlawlawag na nga agpaot laeng ti uppat a minotos no mauram ti 2-storey a pagtaengan.
Kuna ni Castillo nga agnanayun nga agannad dagiti tattao tapno maliklikan ti uram.
Innayon na a nasken nga adda met ti contact number ti BFP kadagiti cellphone dagiti residente iti ili ti San Nicolas.
Daytoyen ti maikadua a pasamak iti uram iti nasao nga ili.
