LAOAG CITY – Inbatad ni Police Lt. Col. Rafael Lero, ti chief of police ditoy ciudad ti Laoag nga agpada a nakainom ti nasanger dagiti dua a biktima iti nagsaruno a desgrasya iti Gilbert bridge ditoy ciudad.
Daytoy ti nagbalin a duktal dagiti nagresponde a kakadwa da ken uray iti ospital a nakaitarayan dagiti biktima.
Inlawlawag ni Lero nga iti Gilbert bridge ket ado ti nakaimuntar a silaw isut gapuna nga uray iddepen dagiti motorista ti silaw ti luganda ket nalawag latta ti kalsada.
Innayon na a ti naudi a biktima ti desgrasya iti lugar a ni Lysander Tangonan Cariaga, addaan ti umno a tawen ken residente iti Barangay 6, San Pedro iti ili ti Bacarra ket saan a nakasuot ti helmet.
Inpetteng na a no maipanggep kadagiti signages ket saanda a nagkurang no sadinno a nakailanad pay ditoy a saan nga uminom ti arak no agmaneho.
Maipalagip a kabayatan nga agpapaabagatan ti biktima a nakamotorsiklo ket naawanan ti kontrol a nangitunda ti pannakaidungpar na iti barikada.
Naitaray ti biktima iti Gov. Roque Ablan Senior Memorial Hospital ngem pimmusay bayat a maag-agasan.
