LAOAG CITY –Umaboten iti uppat a Pilipino ti nairekord a nasugatan iti panagatake iti King Khalid International Airport idiay Riyadh, Saudi Arabia idi Sabado, Oktubre 10.
Tallo kadagiti nasugatan ti naikabil iti Intensive Care Unit kabayatan a ti maysa met ket manamnama a mai-discharge iti ospital.
Mainag iti daytoy, awan ti nairekord a Pilipino a natay iti nasao a panagatake.
Kabayatanna, iti pakabukelan, umaboten iti 12 nga indibidualen ti natay ken idinto a 309 ti nagsagaba ti sugat iti panagatake ti Houthi iti King Khalid International Airport idiay Riyadh idi Sabado.
Segun ken ni Labor Attaché Dominador Salanga ti Migrant Workers Office (MWO) idiay Riyadh, kaduada ti Workers Welfare Administration (OWWA), kinunana nga agtultuloy ti panangipaayda kadagiti kasapulan a tulong dagiti biktima.
Innayon pay ni Salanga a nakikoordinardan kadagiti lokal nga otoridad ken kadagiti ospital idiay Riyadh tapno makumpirmaran no adda pay sabali a Pilipino a nasugatan manipud iti nasao a panagatake.
