LAOAG CITY – Inadmitir ni Barangay Tanud Leonel Ancheta iti Barangay Madiladig ditoy ciudad ti Laoag a nagpukka-pukkaw gapu ta nasakit ti nakem na gapu iti panangpukaw da ti mula da a niyog ken mangga a saanda pulos nga inpakada kadakuada.
Inlawlawag na a napan nagraep ken idi sumangpet iti balay da ket napukanen dagiti mula da a niyog ken mangga.
Gapu ta nasakit ti nakem na ket nagpukka-pukkaw ket nagresponde ni Barangay Chairman Pedro Manuel kadwa na ti maysa a kabarangayan da a ni Nelson Alipio.
Kuna na a ditoy a pinagsawan ti kapitan ti dakes kalpasan na ket dinanug na daytoy a nakatumbaan na.
Dagus met a napan naganawa dagiti kaanakan ni Brgy. Tanud Ancheta.
Inbaga ni Ancheta a nakainom ti kapitan ken ni Alipio idi napanda rinespondean daytoy.
Immunan nga inlawlawag ni Brgy. Chairman Manuel iti Brgy. Madiladig ditoy siudad ti Laoag a napan nagresponde iti pagtaengan ti tanod kalpasan a naireport nga agkarkaryar daytoy.
Kuna nga apaman a nakadanun iti pagtaengan ti tanod ket kinasarita na a nasayaat tapno agtalna.
Nu pay kasta, inbatad na a saan a nagpaanawa ti tanod ngem ketdi pinagsao-an na ti dakes.
Gapu iti daytoy, kuna ni a napikar ti pungtot na ken nainsulto isut gapu na a nadangran na ti tanod agingga a nagkabil da.
Kabayatanna, inpetteng na nga awan ti nadangran na a sabali malaksid iti tanod.
Inpakaammo ti kapitan a datin nga agkarkaryar ti tanod ken kanayun a kasarsarita na daytoy ngem awan ti pagbaliwan na.
