LAOAG CITY – Bimmaban ni Canadian Prime Minister Justin Trudeau iti pwesto na kalpasan ti agarop maysa a dekada a panagserbina kas prime minister.
Iti news conference iti Ottawa, inrakurak ni Trudeau nga agtalinaed paylaeng kas prime minister agingga a saan a makabiruk ti baro a lider ti Liberal Party.
Maipalagip nga iti napalabas a bolan ket bimmaba iti pwesto ti finance minister ni Trudeau gapu ta saan a pabor iti pagannurutan a plano nga ipatungpal ti Canada mainaig iti pangta ni US President-elect Donald Trump nga ipangato ti taripa dagiti produkto nga aggapo iti nadakamat a pagilian.
Gapu iti daytoy, masapol a solusyunan ti sumaruno nga agtugaw a prime minister ti pangta ni incoming US President Donald Trump a mangipataw ti 25% tariff kadagiti Canadian goods no saanna nga aramiden ti pagrebbengan na it border da kontra iti panagado dagiti irregular migrants ken panagraira ti illegal drugs.
Immuna iti daytoy, in-inot a napukaw ti panagtalek dagiti umili ken ni Trudeau gapu iti maipagarop a saan a napintas a panangidaulo na.
