LAOAG CITY – Inpakaammo ni Lt. Col. Melvin Asuncion, pannakangiwat ti 5th Infantry Division ti Philippine Army nga agsusukot ti kaso a sangsangoen ni Cordillera People’s Democratic Front Spokesperson Simeon “Ka Filiw” Naogsan a naarestar iti Brgy. 1, Sta. Rita iti ili ti Bacarra.
Segun kenkuana, adda ti 3 counts a murder case a sangsangoen ni Naogsan iti Bontoc, Mountain Province idinto nga adda pay attempted murder a kaso daytoy.
Inbatadna nga amin a kaso a naipila ken ni Naogsan ket awan ti nairekomendar a pagpiyansana.
Kunana a sipod idi tawen 1979 ket nangrugin a makikappeng iti makakannigid a grupo no sadinno nga adu dagiti grupo ti nakikadduaanna.
Inlawlawagna a nabayagda a minonitor ni Naogsan isu a dakkel a balligi kadakuada ti pannakaarestarna.
Maipalagip nga inrakurak ni Fr. Randy Manicap, pannakangiwat ti Ammoyo Kappia a basar iti pamilia ni Naogsan ket adda ditoy Ilocos Norte para iti panagpaagasna.
