LAOAG CITY – Inpasingked ni Mrs. Perlita Cabello, ti mangidadaulo iti City Social Welfare and Development (CSWD) ditoy ciudad ti Laoag nga ipursige da ti pannakaalad ti Bahay-Pagasa ditoy ciudad.
Daytoy ket kalpasan a nakalibas dagiti walo a menor edad idi bisperas ti baro a tawen.
Nupay kasta, nakasubli aminen dagiti nasao a menor de edad iti Bahay-Pagasa.
Inlawlawag na a nabayagen a kiniddaw da ti pannakaalad ti Bahay-Pagasa ngem saan met a dagus a maipatungpal gapu ado pay laeng dagiti kasapulan a maiproseso.
Kabayatanna, inbatad ni Cabello nga iti panagsasarita da kadagiti amin a naipakustodyar iti Bahay-Pagasa ket naibaga dagiti sumagmamano a menor de edad a nagutigot da laeng iti inbagbaga dagiti kakadwa da.
