LAOAG CITY – Inpakammo ni Atty. Donato Balderas Jr., ti Schools Division Supt. ti Dept. of Education – Ilocos Norte a dagus a naipakammo kenkuana ti napasamak a pammagkong iti Dngras National High School.
Segun kenni Balderas, insubmitir na metten ti incident report iti Regional Director ti Dept. of Education kasta pay kenni Gov, Matthew Marcos Manotoc.
Inlawlawag na a nakailanad iti report ti pagadalan no anya ti napasamak ken ti rason ngem nagkedked pay laeng a nangidetalye no anya ti namunganayan ti insidente gapo a urayen da pay ti pinal nga statement ti ubing a nangbagkong.
Nupay kasta, kunana nga apaman a naamoan na dayoy ket dagus a nagturong iti Dingras National High School ken mismo a nakasarita na dagiti agad-adal no sadinno adda pay ti naiyuswat a debriefing kadagiti estudyante.
Inbatad na pay nga ita nga aldaw ket nangiyuswat pay ti debriefing ti pagadalan kadagiti nakakita iti insidente.
Basar pay kenni Balderas, nagtalinaed iti Mariano Marcos Memorial Hospital and Medical Center iti ciudad ti Batac ngem stable metten ti kasasaad na idinto a ti suspek ket naiturn-over iti Municipal Social Welfare and Development Office gapo ta memnor de edad daytoy.
Mainaig iti daytoy, kunana nga adda met ti inpaay ti pagadalan a 10 a ribo a pisos a tulong iti biktima.
Dinakamat na nga iti biang ti Division Office, paigetan da pay dagiti polisiya da ken ad-adalen da ti panangaramid iti local policy tapno saanen a maulit pay ti napasamak.
Naamoan pay ni Balderas nga adda ti agidonar ti metal detector iti nadakamat a pagadalan kalpasan ti insidente no sadinno maysa met daytoy nga adalen da no kabaelan ti MOOE ti pagadalan a gumatang iti daytoy.
Kabayatanna, innayon na a kataripnong nan to dagiti nagannak dagiti dua nga ubbing pakaseknan iti posible a panagsina da iti pagbasaan ken dagiti dadduma pay a protective measures.
Maipalagip a nabagkong ti biktima bayat ti break time dagiti estudyante ken ti immuko nga inusar ti suspek ket inlemmeng na iti pribado a paset ti bagi na rason a saan a nakita idi simrek iti pagadalan.
