LAOAG CITY – Nagpositibo ti confirmatory test ti driver ken conductor nga immunan a nagpositibo iti naisayangkat a ramdom drug test ditoy probinsya babaen iti Land Transportation Office, Phililippine Drug Enforcement Agency ken Philippine National Police
Inbatad daytoy ni Agent Marie Fe De Guzman, ti pannakangiwat iti Phililippine Drug Enforcement Agency – Region I.
Kuna ni De Guzman a kinumpiskaren ti Land Transportation Office ti driver’s license dagiti maseknan, ken dumalan da iti “in-patient” rehabilitation program babaen iti Department of Health Region 1.
Maipalagip nga adda ti pakabuklan a 106 a driver ken konduktor ti dimmalan iti random drug test no sadinno nga 44 dagiti bus driver, 29 a bus conductor, 27 a jeepney driver ken 6 a tricycle driver, babaen ti Oplan Biyaheng Ayos 2025.
