LAOAG CITY – Addan iti stable a kasasaad ti driver ti kotse a nagbaliktad iti paset ti bypass road iti Brgy. Puyopuyan iti ili ti Pasuquin idi Disiembre 28.
Daytoy ti inbatad ni P/Cpt. Johnville Maramag ti chief of Police ti Philippine National Police iti nasao nga ili.
Inbatadna a ti nasao a driver ti kotse ket nanamnma a saan a mapilaan ti kaso gapu ta ti insidente ket maibilang a self-vehicular incident.
Maipalagip a natay ti dua nga indibidual kalpasan a nagbaliktad ti naglugananda a kotse.
Iti inwayatda nga imbestigasion, kabayatan a dumaldalyasat ti kotse nga agturong nga agpa-abagatan ket kellaat a napukawan ti kontrol ti manibela ti driver iti kurbaan a paset ti kalsada a nangitunda ti pannakaidungparda iti poste ti silaw rason a nagsagaba da ti nakana a sugat.
Malaksid iti daytoy natakuatan pay nga adda impluwensya dagiti maseknan a biktima gapu ta adda dagiti naalada a bote ti arak iti uneg ti kotse.
